સુરત: નિકાસ (export) માર્ગદર્શન અને સમર્થન માટેનું એક અગ્રણી પ્લેટફોર્મ બિંગ એક્સપોર્ટર દ્વારા સુરતના આંગણે એક રાષ્ટ્રીય કાર્યક્રમનું આયોજન કરવામાં આવ્યું હતું, જે નિકાસકારોને (exporters) સમગ્ર દેશમાંથી તેમના સમકક્ષો સાથે જોડાવા અને વિશ્વ કક્ષાના પોર્ટની સંચાલન માટેની કામગીરી એક સાથે મળીને કરવા માટે એક સાથે લાવ્યા હતા.
આ ઈવેન્ટ ભારતભરના 53 શહેરોમાંથી 150 થી વધુ નિકાસકારોનેએ ભાગ લીધો હતો. કાર્યક્રમમાં નિકાસ (એક્સપોર્ટ ) વ્યવસાયમાં સફળતા મેળવવા માટે નિર્ણાયક વિષયોની શ્રેણીને સામેલ કરવામાં આવ્યા હતા. આ ઇવેન્ટમાં સહભાગી નિકાસકારોને અસરકારક ધ્યેય સેટિંગ, ઉત્પાદનને અંતિમ સ્વરૂપ આપવા, ખરીદદારની ઓળખ, વેચાણ આયોજન, બેંકિંગ અંગેની આંતરદૃષ્ટિ પૂરી પાડવા, ભંડોળના માર્ગો અને નિકાસ વ્યવસાયના અન્ય પાસાઓ પર ધ્યાન કેન્દ્રિત કરવામાં આવ્યું હતું.
બિંગ એક્સપોર્ટરના સ્થાપક સફળ નિકાસકાર અને ઉદ્યોગના અગ્રણી ભગીરથ ગોસ્વામીએ સત્ર દરમિયાન સહભાગીઓ સાથે તેમની વ્યૂહરચના અને અનુભવો શેર કર્યા હતા. દિવસભર ચાલનારી ઈવેન્ટની એક નોંધપાત્ર વિશેષતા એ પેનલ ચર્ચા હતી, જેમાં સ્વ- નિર્મિત ઉદ્યમીઓ ઉપસ્થિત રહ્યા હતા કે જેઓ શૂન્યથી શરૂ કરીને સફળ નિકાસકારો બન્યા છે. ઇન્ટરેક્ટિવ Q&A સત્રએ સહભાગીઓને વક્તાઓની સફળ યાત્રા અને તેમના અનુભવોમાંથી શીખવાની તક આપી હતી.
સહભાગીઓને દક્ષિણ ગુજરાત ક્ષેત્રના સૌથી મોટા બંદરોમાંના એક હજીરા ખાતેના અદાણી પોર્ટની મુલાકાત લેવાની અનન્ય તક પણ મળી હતી. સહભાગીઓ માટે આ એક મહાન શીખવાનો અનુભવ હતો કારણ કે તેઓએ મટીરીયલ હેન્ડલિંગ અને પોર્ટ કામગીરીના અન્ય પાસાઓને નજીકથી જોયા હતા. પોર્ટના અધિકારીઓ દ્વારા તેમની સમક્ષ એક પ્રેઝન્ટેશન પણ કરવામાં આવ્યું હતું, જેમાં પોર્ટની કામગીરી અને આયાત- નિકાસ વ્યવસાય અંગેની તેમની સમજણ વધુ ઊંડી બની હતી.
Being Exporter ના સ્થાપક ભગીરથ ગોસ્વામીએ જણાવ્યું હતું કે, “Being Exporter એ નિકાસકારોને તેમને સફળ થવામાં મદદ કરવા માટે ક્ષેત્રની 360 ડિગ્રીની સમજણ અને જ્ઞાન સાથે સશક્તિકરણ કરીને તેમને સમર્થન આપવા માટે સમર્પિત છે. આથી જ અમારા સત્રોમાં હંમેશા સૈદ્ધાંતિક અને વ્યવહારુ શિક્ષણ હોય છે. સુરતમાં અમારી ઇવેન્ટ દરમિયાન પણ આવું જ બન્યું હતું, જે નિકાસ- કેન્દ્રિત ઉદ્યોગસાહસિકો અને નિષ્ણાતોના અનોખા અને સૌથી મોટા મેળાવડામાંનું એક હતું. સહભાગીઓને સફળ નિકાસકારો પાસેથી શીખવાની તક અને બંદર કામગીરીનો અનુભવ મળ્યો હતો.
શ્રી ગોસ્વામીએ વધુમાં જણાવ્યું હતું કે દિવસભર ચાલનારા કાર્યક્રમનો મુખ્ય ઉદ્દેશ્ય નિકાસમાં ઉત્કૃષ્ટતા માટે ઉદ્યોગસાહસિકોને યોગ્ય સમજ અને જ્ઞાનથી સજ્જ કરવાનો હતો. આ કાર્યક્રમ થકી દેશભરના નિકાસકારો વચ્ચે નેટવર્કિંગને પ્રોત્સાહન આપવાનો પણ ઉદ્દેશ્ય સામેલ હતો.
સહભાગીઓના જણાવ્યા અનુસાર, આ ઇવેન્ટે તેમને નિકાસ વ્યવસાયની ઊંડી સમજણ મેળવવામાં મદદ કરી હતી અને તે અભૂતપૂર્વ સફળતા હતી.
ઉલ્લેખનીય છે કે બિંગ એક્સપોર્ટર નિકાસકારોને સશક્ત બનાવવા માટે બુટ કેમ્પ અને અન્ય કાર્યક્રમોનું પણ આયોજન કરે છે.
